SYUDAD SANG KORONADAL TOP 24 SA 2018 NATIONAL COMPETITIVENESS COUNCIL PHILIPPINES Yara sa rank 24 ang Syudad sang Koronadal out of 112 ka mga component city nga nagpartisipar sa ginpatigayon nga 2018 Cities and Municipalities Competitiveness Index (CMCI) sang National Competitiveness Council Philippines nga ginpangunahan sang Department of Trade and Industry- Competitiveness Bureau. Sa CMCI ranking sa kategorya sang government efficiency yara sa rank 25 ang syudad, samtang sa infrastructure yara sa rank 31 kag sa patag sang resiliency yara naman sa rank 15. May angot sini sa bilog nga rehiyon dose nakasulod man sa top 50 nga most competitive cities ang Kidapawan nga yara sa rank 18, Tacurong City nga yara naman sa rank 25 kag Cotabato City nga rank 15. Samtang sa mga munisipyo sang South Cotabato yara sa rank 12 ang Polomolok kag Surallah rank 26. Sa bahin naman sang probinsya sang Sultan Kudarat ang banwa sang Isulan yara sa rank 10, Esperanza rank 49. Sa probinsya sang Cotabato ang banwa sang Midsayap rank 11, Kabacan rank 16, Antipas rank 33, Mlang rank 37, Makilala rank 44. Wala man nagpaulihi sa probinsya sang Saranggani ang banwa sang Maasim nga yara sa rank 28, Malungon 32, Alabel rank 34. Sa provincial category rank 5 ang Saranggani, rank 6 Cotabato, rank 7 Sultan Kudarat kag rank 8 South Cotabato.

via City of Koronadal https://ift.tt/2MMUNYS