via City of Koronadal https://ift.tt/2omadJA
Thursday, August 30, 2018
Wednesday, August 29, 2018
Wednesday, August 22, 2018
SCHOLARSHIP PROGRAM SANG OWWA 12 LIWAT NGA NAGA-AWHAG SA MGA HIMATA SANG OFW Liwat nga gina-awhag sang talatapan sang Overseas Workers Administration Regional Welfare Office 12 ang tanan mga himata ukon mga ofw dependents nga magsumiter na sang mga requirements antes paman magtakop ang bulan sang agusto. Suno kay Officer-in-charge Christelyn R. Caceres, padayun sa gihapon sila nga nagabaton sang mga kuwalipikado nga aplikante sa duha ka programa sang talatapan nga education for development scholarship program (EDSP) kag ang congressional migrant workers scholarship program (CMWSP). Sa education for development scholarship program (EDSP) ang mga kuwalipikado ang kinahanglan una OFW dependents kasubong sang utod ukon bata sang OFW nga aktibo kag miyembro sang OWWA nga kasamtangan naka enroll sa grade 12 graduating students, 21 anyos panubo ang edad, may general weighted average (GWA) nga 80% ukon mas mataas, kag lakip sa 20% sa mga graduating class. Apang kun indi available ang GWA sa tiun sang filing of application mamahimo nga paga usaron nga basis ang academic performance sa duha ka masunod nga preceding school years. Ang Education for Development Scholarship Program (EDSP) ang scholarship program nga gina hatag sa mga dependents kag aktibo nga miyembro sang owwa nga may plano nga mag enroll sa 4 tubtob 5 ka tuig nga baccalaureate course nga bisan diin nga colleges ukon universities kag makabaton sang 60K nga financial assistance sa bilog nga tuig. Samtang sa Congressional Migrant Workers Scholarship Program (CMWSP) ang mga kuwalipikado amo nga kinahanglan isa ka aktibo ukon inactive nga OFW’s nga indi maglapaw sa 45 anyos ang edad, kinahanglan high school graduate nga may GWA nga 80% ukon man taas kag waay pa nakakuha sang masobra 2 ka tuig nga post-secondary ukon undergraduate course kag wala sang bagsak nga grado sa mga subjects nga nakuha. Kag 2 naman sa aktibo nga miyembro sang OWWA nga kasamtangan naka enroll sa grade 12 kag indi maglapaw sa 21 anyos nga nalakip sa 20% sa mga graduating class. Sa sini naman nga programa kapin 60K ang ila mabaton sa bilog nga tuig nagikan sa PCSO. Sa mga kuwalipikado nga aplikante sa duha ka programa ang kinahanglan makapasa sa DOST national qualifying examination agod malakip sa sini nga programa. Ang deadline sa pag sumiter sang mga kinahanglanon sa agusto 31, 2018. Photo: Google
via City of Koronadal https://ift.tt/2wkH2ub
INCOME SANG MGA TRICYCLE DRIVER SA BAG-O LANG NAGTAKOP NGA PYESTA KOLONDATAL NAG DOBLE Nagdoble ang kita ukon income sang mga lehitimo nga tricycle drivers dire sa syudad sang Koronadal sa bag-o lang nagtakop nga Pyesta Kolondatal International Folklore Festival 2018 suno kay Hipolito Peligro, Presidente sang City of Koronadal Tricycle Drivers and Operators Association. Suno kay Peligro sa normal/ordinary days yara lamang sa 200-300 pesos ang ma ginansya sang mga drivers, apang sa ginpatigayon nga Pyesta Kolondatal naglab-ot sa 500-1000 pesos ang na ginansya sang mga ini tungod sa pagdinagsa sang mga pumuluyo. Gindugang man sang Presidente sang CIKTODA nga magluwas nga nagdaku ang income sang mga drivers, nalingaw man ang mga ini sa paglantaw sa mga full shows sa Rizal Park kag South Cotabato Gymnasium upod ang tagsa sini ka pamilya. Bangod sini hugot ang pagpasalamat sang mga tricycle drivers sa city government sa pagpamuno ni Mayor Peter Miguel sa pagdala sang mga aktibidadis sa syudad. Photo Credit: Internet
via City of Koronadal https://ift.tt/2MqEGVs
Friday, August 17, 2018
Thursday, August 16, 2018
Subscribe to:
Comments (Atom)